Euskaraldia eta gero: Lautadan 7 eguneko simulakroa egingo dugu urrian

by | Uzt 4, 2019 | Besterik

Pasa den urtean EH osoan ekin genion Euskaraldiari, euskaraz egiteko daukagun eskubidearen aldeko ekimen amankomuna eta parte hartzailea. Hurrengo Euskaraldiari heltzeko bidea eginez, Arabako Lautadan 7 eguneko simulakroa egingo dugu urriaren 21etik 27ra:

Simulakroan, 2018ko Euskaraldian bezala, ahobizi edo belarriprest izaten jarraituko dugu, ahal dugun etxekoekin, ezagunekin, lankideekin, kuadrillakoekin eta ikaskideekin, eta edizio berri honetan entitateek sortuko dituzten arigune berrietako kide guztiekin. Ariguneetan belarriprest eta ahobizi izatea askoz errazagoa da, arigunetan kide guztiek euskaraz ulertzen baitute.

2019 eta 2020ko berrikuntza hauxe da: Elkarte, lantegi, denda, ikastetxe edo instituzioek erraztasunak eman behar dituzte, entitateak parte-hartzaile izango dira, erabakiak eta neurriak hartuko dituzte. Euskaraz ulertzen dutenak aktibatu behar dituzte: airguneak sortuz edo kideak babestuz.Lautadako aurtengo Simulakroan ez da izena eman behar, baina txapak banatuko ditugu urriaren 7tik aurreraInformazio gehiago web gunean: https://lautada.euskaraldia.eus/Deskargatu kartela: 2019-06-19 simulakroa kartela
Deskargatu diptikoa: 2019-06-20 SIMULAKROA_DIPTIKOA

Euskal Telebistan simulakroaren aurkezpena egin dute:

Greenpeace: The world’s most northerly ice music concert

by | Mai 28, 2019 | Besterik

Ikusgarria, benetan, Greenpeace erakundeak itsas santutegiak sortzeko egindako kanpaina eta bideoklipa. Gogoratu behar dugu arrantzaren gain-esplotazioa, plastikoen kutsadura eta meatzaritza, besteak beste, arriskuan jartzen dituzte gure itsasoak.

Bertan, 4 musikari eraman dituzte Svalbard uhartera, Norvegiako iparraldean, izotzez egindako musika tresneetako kontzertutxoa grabatzeko. Edertasuna eta mezua oso ondo elkartzen dira ekimen honetan:

Fitxa artistika eta teknikoa hementxe duzue:

Ice instrument quartet plays ‘Ocean Memories’ music concert on an ice floe in Svalbard, the Arctic 78°23.1 N 016°57.1 E

‘Ocean Memories’ Idea and concept by Terje Isungset.

Music by Terje Isungset http://www.terjeisungset.no

Ice carving by Bill Covitz http://icematters.com

Thanks to All Ice Record, Norway

Iceofone and ice horn: Terje Isungset

Ice cello: Åshild Brunvoll

Ice percussion: Maria Dahlin

Ice horn: Andreas Andreas Hesselberg Hatzikiriakidis

Fundação José Saramago, Google Earth Studiorekin egindako frogatxoa

by | Urt 5, 2019 | Tresnak

Orain dela egun batzuk ireki da Google Earth Studio frogatzeko programa, gure lehendabiziko frogak egin ditugu jada eta dira gaizki geratu. Hona hemen Fundação José Saramago -ren egoitzarekin egindakoa. Fundação José Saramago Casa dos Bicos-en dago kotatuta, Lisboan eta, ez baduzue bisitatu, pena merezi du Nobel Saridunaren lanak eta pentsaerak ezagutzeko. Gainera bisita gaztelaniaz egiteko aukera dago hala eskatuta. Bideo honetan ikusten den parking-a eta kotxeak ez daude gaur egun, Google-k oraindik ez baitu eguneratu inguruan hartutako irudiak.

Datozen asteotan beste froga batzuk jarriko ditugu hemen, tresna interesgarri honekin zer egin daitekeen ikusi ahal izateko.

DUPLA – Volau

by | Abe 10, 2018 | Joerak, Tarteka Media

Gaur proposatzen dizuegun sorpresatxoa Lautadako gazte batzuek egindako bideoa da. Baliabide ezberdinak erabili dituzte Dupla taldekoek: dron-a eta filmaketa Dronetikan Airworks-ek egin du, lagun askoren asteko proiektua da eta, gure kontribuzio txikia Kooperatibaren lokalak uztea “bulego” eszenak filmatzeko.

Radio Vitorian elkarrizketatu zituzten orain dela aste pare bat.

Lan polita. Zer deritzozue?

Squoosh, irudien tamaina jaisteko tresna

by | Aza 15, 2018 | Diseinua, Tresnak

Squoos.app da irudien tamaina trinkotzeko azken proposamena eta Googlen eskutik dator.  Jakina da web gune bat arin kargatzeko zenbait gauza izan beharko ditugula kontutan: kalitatezko alojamendua, web gunea katzeatzeko sistema egokia (plugin-modulo baten bidez edo .htaccess-en egokipen batzuk eginez), irudien tamaina, beharrezkoa diren moduloak edo pluginak (erabiltzen duzun CMSaren arabera) soilik erabiliz, …

Squoos-ek eskeintzen diguna da sistema oso erraza eta intuitiboa Irudien tamaina trinkotzeko, kalitatea galdu gabe. Erabili nahi dugun irudia igo eta gero, pantaila zatitzen da eta esker partean guk igotakoa daukagu eta eskuin aldean irudia trinkotzeko ditugun aukerak:

 

  1. Berdimentsionatu
  2. Kolore paleta jaitsi (gif-etan agian bai, gainontzekoetan ez nuke ikutuko ez bada zuribeltzezko irudia edo gris askotakoa)
  3. Konpresio algoritmoa. Hau frogatu beharko duzue, igotako irudiaren formatua (jpg, png, …) zein den arabera. Hori bai, emaitzak onak dira
  4. Kalitatea, jpg-etan gehien bat
  5. Aukera aurretatuak
  6. Trinkotutako irudiaren informazioa (tamaina, zenbait jaitsi den) eta ordenagailua jaisteko botoi urdina.

Bota begirada bat, saltseatu pizkat eta emaitza ikusgarriak lor dezakue. Artikulo honetan erabilitako irudi guztiak Squoosh -etik pasatu ditugu.